Tailand harbiy dengiz kuchlari xizmatchilari Ko Adang qirg‘og‘i yaqinida yonayotgan kemadan to‘rtta mushuk bolasini qutqarib qoldi, deya xabar bermoqda Meduza.
Cho‘kayotgan kemaning sakkiz nafar a’zosi dengizga sakrab qutulib qolgan. Keyinchalik ularni baliq ovlaydigan kema olib ketgan.
Ma’lum bo‘lishicha, harbiy dengiz kuchlari xizmatchilari voqea joyiga dengizga neft to‘kilgan-to‘kilmaganini tekshirish uchun kelgan. Ular cho‘kayotgan kemani xavfsiz masofadan kamera yordamida kuzatayotgan vaqtda mushukchalarni payqab qolgan. Qo‘rqib ketgan jonivorlar bir-birining pinjiga suqilib, kema to‘siniga chiqib olgan.
Buni ko‘rgan dengizchilardan biri darhol yordamga shoshilgan: u qutqaruv nimchasini kiyib, yonayotgan kemadagi mushuklar tomon suzgan. Dengizchi ularni birin-ketin yelkasiga olib, harbiy dengiz kuchlarining kemasiga olib o‘tgan.
Xabarda aytilishicha, hozirda mushukchalar xavfsiz joyda — ular Tailand harbiy dengiz kuchlarining qo‘mondonlik punkti joylashgan Ko Lipe orolida.
Bundan avval Texas aholisi qishning sovuq kunlarida hayvonlarni qutqarib qolishga urinayotgani haqida xabar bergandik.
Mavzuga doir:
- Sudanda samolyot uchuvchilar kabinasida ularga hujum qilgan mushuk tufayli favqulodda qo‘nishni amalga oshirdi
- AQShda hech kim boqib olishni xohlamagan it yangi egasining hayotini saqlab qoldi (video)
- O‘jar uloqcha to‘rt kun kanalizatsiya quvurida qolib ketdi. Uni chiqarib olishga bo‘lgan barcha urinishlar muvaffaqiyatsiz yakunlangan
Izoh (0)