Таиланд ҳарбий денгиз кучлари хизматчилари Ко Аданг қирғоғи яқинида ёнаётган кемадан тўртта мушук боласини қутқариб қолди, дея хабар бермоқда Meduza.
Чўкаётган кеманинг саккиз нафар аъзоси денгизга сакраб қутулиб қолган. Кейинчалик уларни балиқ овлайдиган кема олиб кетган.
Маълум бўлишича, ҳарбий денгиз кучлари хизматчилари воқеа жойига денгизга нефть тўкилган-тўкилмаганини текшириш учун келган. Улар чўкаётган кемани хавфсиз масофадан камера ёрдамида кузатаётган вақтда мушукчаларни пайқаб қолган. Қўрқиб кетган жониворлар бир-бирининг пинжига суқилиб, кема тўсинига чиқиб олган.
Буни кўрган денгизчилардан бири дарҳол ёрдамга шошилган: у қутқарув нимчасини кийиб, ёнаётган кемадаги мушуклар томон сузган. Денгизчи уларни бирин-кетин елкасига олиб, ҳарбий денгиз кучларининг кемасига олиб ўтган.
Хабарда айтилишича, ҳозирда мушукчалар хавфсиз жойда — улар Таиланд ҳарбий денгиз кучларининг қўмондонлик пункти жойлашган Ко Липе оролида.
Бундан аввал Техас аҳолиси қишнинг совуқ кунларида ҳайвонларни қутқариб қолишга уринаётгани ҳақида хабар бергандик.
Мавзуга доир:
- Суданда самолёт учувчилар кабинасида уларга ҳужум қилган мушук туфайли фавқулодда қўнишни амалга оширди
- АҚШда ҳеч ким боқиб олишни хоҳламаган ит янги эгасининг ҳаётини сақлаб қолди (видео)
- Ўжар улоқча тўрт кун канализация қувурида қолиб кетди. Уни чиқариб олишга бўлган барча уринишлар муваффақиятсиз якунланган
Изоҳ (0)