Buyuk Britaniyaning Falmut shahri portida havoda “muallaq turgan” kema paydo bo‘ldi. Biroq u oxir-oqibat optik illyuziya bo‘lib chiqqan, deb yozadi Esquire.
Meteorolog Devid Breynning so‘zlariga ko‘ra, sarob havo haroratining inversiyasi sabab yuzaga kelishi mumkin — yorug‘lik nurlari sinadigan “alohida atmosfera sharoitida”. Bu kabi hodisani Akrtikada tez-tez uchratish mumkin, biroq qishda Buyuk Britaniyada bunaqasi juda kam sodir bo‘ladi. Optik illyuziya holatida gorizont chizig‘idan pastda bo‘lgan obyektlar ham ko‘rina boshlaydi.
https://www.instagram.com/p/CMCC42ZqPZQ/
Shu turdagi hodisani fevral boshida Kolin Makkalum ismli fuqaro Shotlandiyaning Banf shahrida kuzatgan. Uning Daily Record nashriga tushuntirishicha, kema bulutsiz zonada joylashgan, shu sababli osmon dengizda akslangan va u bilan qo‘shilib ketgan.
Avvalroq ijtimoiy tarmoqlarda “butilka” cho‘qishtirib turgan erkaklar tasvirlangan yana bir optik illyuziyali surat keng muhokamalarga sabab bo‘lgani to‘g‘risida xabar berilgandi.
Izoh (0)