Samarqand shahrida yo‘l harakati qoidalarini buzgan Nexia haydovchisi 1,225 million so‘m miqdorida jarimaga tortildi, deb xabar beradi IIV YHXBB axborot xizmati.
Ma’lum qilinishicha, 7-fevral kuni shaharning Mirzo Ulug‘bek ko‘chasida Nexia rusumli 30 O 057 QA davlat raqam belgili avtomobil haydovchisi I.Sh. yo‘l-patrul xizmati xodimlari tomonidan to‘xtatilgan. Haydovchi yo‘l harakati qoidalarining 3-ilovasida (transport vositalaridan foydalanishni taqiqlovchi shartlar) belgilangan talabni buzib harakatlangani bo‘yicha chora ko‘rilgan va avtomobil vaqtincha saqlash uchun jarima maydonchasiga joylashtirilgan.
Haydovchi Ma’muriy javobgarlik to‘g‘risidagi kodeksning 125-modda 5-qismi bilan BHMning 5 baravari miqdorida jarimaga tortilgan.
Avvalroq TikTok’da mashhur bo‘lishni istab, harakatlanib ketayotgan mashina oynasidan tanasini chiqargan holda video olgan tasvirchiga chora ko‘rilgani, Toshkentda mast holda avtomobil boshqarib, YPX xodimlari bilan janjal uyushtirgan sobiq deputat jarimaga tortilgani, shuningdek, Buxoroda tanishi bilan salomlashish uchun mashinasini yo‘lning o‘rtasida to‘xtatgan haydovchiga jarima belgilangani to‘g‘risida xabar berilgandi.
Izoh (0)