Toj Mahaldan, taxminan, mingta sayyoh portlash xavfi sababli evakuatsiya qilindi. Bu haqda Tengrinews xabar berdi.
Binoga bomba qo‘yilgani haqida xabar bergan noma’lum kishining qo‘ng‘irog‘idan keyin dunyoga mashhur maqbarada shoshilinch evakuatsiya amalga oshirildi.
Hindiston harbiy kuchlari va Agra politsiyasi portlashning oldini olish uchun choralar ko‘rdi. Huquqni muhofaza qilish organlari madaniyat yodgorligining g‘arbiy va sharqiy darvozalarini berkitib, sapyorlarni bombani izlashga yo‘naltirdi. Mingdan ortiq sayyohlar hududdan chiqarildi.
Extensive search by bomb dispoal squad & CISF team at Taj Mahal premises over. No such object has been found yet. Man who had made threatening call will soon be traced. There's 99% chances of it being hoax call: A Satish Ganesh, IG Agra @TheMornStandard @NewIndianXpress pic.twitter.com/LI7hbYwYbh
— Namita_TNIE (@Namita_TNIE) March 4, 2021
“Dispetcherlik xizmatiga qo‘ng‘iroq bo‘lib, Toj Mahalda bomba saqlanayotgani va tez orada portlashi haqida aytildi. Shundan keyin biz zudlik bilan Toj Mahal atrofida xavfsizlik tekshiruvini o‘tkazdik”, — dedi politsiya komissari Shiv Ram Yadav.
https://twitter.com/rahulrajnews/status/1367353150022197248
Lekin tekshiruv davomida bomba aniqlanmadi, qo‘ng‘iroq soxta deb topildi. Politsiyaning aniqlashicha, qo‘ng‘iroq Uttar-Pradesh shtatining Feruzobod shahridan amalga oshirilgan. Qo‘ng‘iroq qilgan odam qidirilmoqda.
Izoh (0)