Tashkent City xalqaro ishbilarmonlik markazida ikkita bog‘bon janjallashib qolishi oqibatida, ulardan biriga og‘ir darajadagi tan jarohati yetkazilgan, deb xabar beradi poytaxt IIBB.
Ma’lum qilishicha, 16-fevral kuni soat 22:30 larda Tashkent City hududida bog‘bon bo‘lib ishlovchi 20 yoshli Umid A. va jabrlanuvchi (u ham bog‘bon) o‘zaro janjallashib qolgan.
Sud-tibbiy ekspretiza xulosasiga ko‘ra, jabrlanuvchiga yetkazilgan tan jarohatlari og‘irlik darajasiga ko‘ra “o‘rtacha og‘ir jarohatlar” deb baholangan.
Mazkur holat yuzasidan Shayxontohur tumani IIO FMB tomonidan Jinoyat kodeksining 105-moddasi 1-qismi (qasddan badanga o‘rtacha og‘ir shikast yetkazish) alomatlari bilan jinoyat ishi qo‘zg‘atilgan. 20 yoshli Umid A. jinoyat ishida gumon qilinuvchi sifatida jalb etilgan. Tergov harakatlari davom etmoqda.
Mavzuga doir: Tashkent City hududida yong‘in sodir bo‘ldi (video)
Izoh (0)