O‘rta vazn toifasida harakat qiluvchi UFC jangchisi Paulo Kosta (13-1) divizion chempioni Israel Adesanyaga (20-0) qarshi jangdagi mag‘lubiyati sababini izohladi.
Jang vaqtida mast holatda edim. Balki, bu ichkilikdan keyingi karaxtlik holati bo‘lgandir. Uxlay olmagandim, sababi oyog‘imning tomiri tortishib qolgandi. Jang mahalliy vaqt bilan ertalabki to‘qqizda bo‘lib o‘tishi kerak edi, biz esa soat beshda turishimiz lozim edi.Eslatib o‘tamiz, 2020-yilning sentabrida bo‘lib o‘tgan jangda Adesanya raqibini ikkinchi raundda nokautga uchratgandi.Bu mening xatom edi, hech kimni ayblamayman. Men 24 soat uxlamagandim. Xonamda vino bor edi, muammoni u orqali hal qilishga urindim. Avvaliga bir stakan ichdim, foyda bermadi. Keyin ikkinchi stakan va hokazo.
O‘sha jangda men lanj edim va faol harakat qila olmadim. Hech nimani his qilmasdim. Sovrin uchun kurashayotganimni his qilmasdim, juda xotirjam edim.
Paulo Kosta, UFC jangchisi
Adesanya Toshkent vaqti bilan 7-mart kuni yarim og‘ir vazn chempioni Yan Blahovichga qarshi jang qiladi. Kosta esa 17-aprelda Robert Uittakerga qarshi oktagonga chiqadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)