“Real” hujumchisi Vinisius Junior La Liga 25-turi doirasida kechgan “Real Sosyedad”ga qarshi 1-mart kungi o‘yinda (1:1) maydonga tushdi va jamoasining yagona goliga mualliflik qildi.
Bu braziliyalik futbolchi uchun “Real” safidagi 100-o‘yin bo‘ldi. Bu vaqt davomida Vinisius 13 ta gol va 20 ta golli uzatma amalga oshirdi.
Vinisius 20 yosh-u 232 kunligida bu natijaga erishdi. Faqat ikki futbolchi undan yoshroq vaqtida “Real” safida 100 ta o‘yin o‘tkazishga muvaffaq bo‘lgan. Bular: Raul (19 yosh-u 177 kun) va Iker Kasilyas (20 yosh-u 125 kun).
Vinisius La Liga joriy mavsumida 22 ta o‘yin o‘֥tkazib, 3 ta gol va 2 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)