Kelib chiqishi chechenistonlik bo‘lgan UFC jangchisi Hamzat Chimayev Instagram’dagi rasmiy sahifasida faoliyatini yakunlashi mumkinligini ma’lum qildi.
Bu sportdagi yo‘limda qo‘llab-quvvatlagan barchaga rahmat aytaman. O‘ylashimcha, men yetib keldim. Ha, bilaman, kamarni ololmadim, biroq bu hayotdagi eng muhim g‘alaba emas.Chimayevning keyingi raqibi Leon Edvards bo‘lishi kerak edi. Ularning jangi shu vaqtga qadar uch bor bekor qilindi. Avvaliga Edvards, keyinchalik Chimayevda koronavirus aniqlandi. Fevral oyida esa Hamzatda koronavirus asoratlari og‘ir o‘tayotgani sabab, 14-mart kuniga mo‘ljallangan jang yana bekor qilingandi.Bu sizni jahlingizni chiqarishi mumkin, biroq yuragim va tanam menga hammasini aytib turibdi. Jamoamga katta rahmat aytaman, shuningdek, UFC’ga ham.
Hamzat Chimayev, UFC jangchisi
26 yoshli Chimayev MMA’dagi faoliyati davomida to‘qqizta jang o‘tkazib, ularning barchasida g‘alaba qozongan. Ularning uchtasi UFC’da qo‘lga kiritilgandi.
https://www.instagram.com/p/CL5cum2lU4R/
Izoh (0)