Futbol bo‘yicha Ispaniya La Ligasining 25-turida “Real Madrid” 1-mart, dushanba kuni o‘z maydonida “Real Sosyedad”ni qabul qildi.
Dastlab 55-daqiqada Nacho Monrealning yuqoridan uzatgan to‘pini madridliklar darvozasiga aniq yo‘llagan Kristian Portu hisobni ochdi. Uchrashuvning 89-daqiqasiga kelibgina “Real Madrid” a’zosi Vinisius Junior hisobni tenglashtiridi va jamoasini mag‘lubiyatdan qutqarib qoldi. Qayd etish joiz, braziliyalik futbolchi zaxiradan o‘yinga qo‘shilgan edi.
Mazkur uchrashuvdan so‘ng Zineddin Zidan shogirdlari 53 ochko to‘plagan holda La Liga musobaqa jadvalining 3-o‘rnida qayd etildi. Madridliklar 2-o‘rinda borayotgan o‘zining azaliy raqibi — “Barselona” bilan bir xil ochko to‘plagan, faqat qo‘shimcha ko‘rsatkichlar evaziga kataloniyaliklar oldinda bormoqda. “Real Sosyedad” esa 42 ochko bilan 5-o‘rinni band etgan.
“Real Madrid”—“Real Sosyedad” uchrashuvi videosharhini bu yerda tomosha qilish mumkin — video.
25-turdan so‘ng turnir jadvali quyidagicha ko‘rinish oldi:
La Liga
25-tur bahsi
1-mart, dushanba
“Real Madrid”—“Real Sosyedad” 1:1
Gollar: 0:1 – 55 Portu, 1:1 – 89 Vinisius Junior.
“Real Madrid”: Kurtua, Mendi, Varan, Nacho, Vaskes, Modrich (Valverde, 76), Kroos, Isko (Vinisius Junior, 61), Kazemiro, Asensio (Rodrigo, 61), Mariano Dias (Duro, 61).
“Real Sosyedad”: Remiro, Le Norman, Gorosabel (Sanyan, 82), Monreal, Subeldiya, Silva (Munyos, 85), Gevara, Portu (Barrenechea, 72), Subimendi, Oyarsabal, Isak (Fernandes, 82).
Ogohlantirishlar: Gorosabel (76).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)