O‘zbekiston milliy terma jamoasi markaziy himoyachisi Islom To‘xtaxo‘jayev faoliyatini “Qizilqum”da davom ettiradi. Bu haqda “Qizilqum” futbol klubi o‘z Telegram sahifasida ma’lum qildi.
31 yoshli markaziy himoyachi faoliyat davomida Farg‘onaning “Neftchi”, Toshkentning “Lokomotiv” va Xitoyning “Shenyan Urban” jamoalarida to‘p tepgan. To‘xtaxo‘jayev navoiyliklar safiga Xitoy klubidan kelib qo‘shilgan. Qayd etish joiz, himoyachining “Shenyan Urban” jamoasi bilan 2021-yil 31-dekabriga qadar shartnomasi bor edi. To‘xtaxo‘jayevning transfer ma’lumotlari ochiqlanmagan.
Islom yangi jamoasida 20-raqamda harakat qiladi.
Ma’lumot uchun, Islom To‘xtaxo‘jayev “Neftchi” va “Lokomotiv” jamoalarida jami 251 marta maydonga tushib, 21 ta gol urishga muvaffaq bo‘lgan. U O‘zbekiston milliy terma jamoasida 71 ta o‘yin o‘tkazib, ikkita gol urgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)