Angliya Premyer Ligasining 26-turida “Chelsi” va “Manchester Yunayted” jamoalari 28-fevral, yakshanba kuni o‘zaro to‘qnash keldi. Uchrashuvda 0:0 hisobi qayd etildi.
“Chelsi” Tomas Tuxel bosh murabbiy etib tayinlanganidan beri Premyer Liga doirasidagi ketma-ket to‘rtta uy o‘yinida o‘z darvozasi daxlsizligini saqlab qoldi. Unga qadar “Chelsi”ning hech qaysi murabbiyi bu natijaga erisha olmagandi.
APL tarixida bu holat ikkinchi marta kuzatildi. Ilk bor Brendan Rojers 2011-yilda “Suonsi” bilan mazkur natijani qayd etgandi.
“Chelsi” 26 o‘yinda 44 ochko to‘plagan holda 5-o‘rinda bormoqda va peshqadam “Manchester Siti”dan 18 ochko ortda qolmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)