Qashqadaryo tog‘larida Amir Temurning qarovsiz haykali borligi ma’lum qilindi

Qashqadaryo viloyati Chiroqchi tumanining Tarag‘ay qishlog‘ida Amir Temurning qarovsiz haykali bor, deb yozmoqda NasafNews.

Ma’lum bo‘lishicha, yillar davomida e’tiborsiz qoldirilgan bu haykallar mahalliy aholi tomonidan qisman ta’mirlangan. Ta’mirlash o‘z ishining ustalari tomonidan olib borilmagani tufayli haykallar “qo‘rqinchli” holga keltirilgan.

28-fevral kuni Qashqadaryo viloyati hokimi Zoir Mirzayev mazkur hududga borgan. Xabarda aytilishicha, hokim va mas’ullarni haykallar va qadimiy yodgorlikning bugungi holati hayratlantirgan.

“Biz Madaniyat vazirligiga xat bilan chiqamiz. Bu holatga befarq qarab bo‘lmaydi. Bu baland tog‘larga mos haykal kerak”, — degan Zoir Mirzayev.