Londonlik farrosh qiz Klara Luiza Italiyaning modalar uyi Gucci’ning reklamasida suratga tushdi. 24 yoshli afroamerikalik qiz bilan bog‘liq hikoya Metro gazetasida e’lon qilindi, deb yozadi “Korrespondent.net”.
Ma’lum qilinishicha, 2019-yilda FOME Models modellik agenti rahbari Rob Uilson ko‘chada Klarani ko‘rib qolgan. Undan moda sanoatida tajribasi borligi haqida so‘ragan Rob “yo‘q” degan javobga qaramay qizni kastingga taklif qilgan.
Endilikda model sifatida faoliyatini davom ettirayotgan va muvaffaqiyatga erishgan qiz ushbu hayratomuz tajriba uning hayotini o‘zgartirib yuborgani, u tashqi ko‘rinishi moda sanoati uchun to‘g‘ri kelishi haqida o‘ylab ham ko‘rmagani, bir kun kelib nabiralariga Gucci’ning modeli ekanini aytib bera olishi mumkinligini aytgan.
Klara, shuningdek, yangi kasbi uning turmush tarzini o‘zgartirmagani, u hali hamon o‘qituvchi bo‘lishni istashi hamda hayotda o‘zini mashhur shaxs sifatida tasavvur qila olmasligini qo‘shimcha qilgan.
Izoh (0)