Pikabu saytining ArcticBoy niki ostidagi foydalanuvchisi Barensburg shahridagi (Norvegiya) tanishini xursand qilish uchun unga anchadan buyon orzu qilib kelgan sushisini olib borib berdi, deb yozadi Esquire.
ArcticBoy’ning o‘zi Longyirda yashaydi, u yer ham Shpisbergen arxipelagida joylashgan va dunyodagi eng shimoliy makon hisoblanadi. U arxipelagdagi hayoti haqida blog yuritadi. Bir safar u Barensburgga borishga qaror qilgan va erkakni u yerda Pikabu’ning Tarasik1991 niki ostidagi foydalanuvchisi kutib olishi kerak bo‘lgan. Nima olib boray, degan savolga qiz kutilmaganda sushi yeyishni xohlayotgani aytgan.
“Buyurtmani yetkazish” uchun u qorda yurishga mo‘ljallangan mashinada bir tomonning o‘ziga 52 kilometr yo‘l bosib borgan. Bu kabi g‘oyani amalga oshirish 12 soat vaqt talab qilgan, yo‘lning o‘ziga 3 soat ketgan.
Sushini ArcticBoy’ning o‘zi tayyorlagan. Pikabu orqali u yegulikni tayyorlash va yetkazib berish jarayoni bilan bo‘lishgan.
Sushini u yaqinda yeyilgan tortning qutisiga solib qo‘ygan.
“Buyurtma” termokonteynerga joylashtirilgan.
Yo‘lga u bir o‘zi otlanmagan. “Sushini, albatta, qurollangan qo‘riqchilar qo‘riqlaydi, chunki biz oq ayiqlarni emas, Pikabu’dagi do‘stlarimizni mehmon qilishni istaymiz”, — deb yozadi ArcticBoy.
“Tayyor. Siz ajoyibsiz. ‘Yandeks.Yegulik’dan ro‘yxatdan o‘tib, yetkazib berish xizmatini ochish va oroldagi bozorni egallash mumkin. Xizmat evaziga ajoyib kecha va Pikabu’dagi qiz hamda uning yigitidan shahar bo‘ylab ekskursiya olamiz. Anya, Seryoja, sizlarga katta rahmat, juda zo‘r bo‘ldi!..”, — deb yozadi ArcticBoy.
Izoh (0)