Лондонлик фаррош қиз Клара Луиза Италиянинг модалар уйи Gucci’нинг рекламасида суратга тушди. 24 ёшли афроамерикалик қиз билан боғлиқ ҳикоя Меtrо газетасида эълон қилинди, деб ёзади «Korrespondent.net».
Маълум қилинишича, 2019 йилда FОМЕ Моdels моделлик агенти раҳбари Роб Уилсон кўчада Кларани кўриб қолган. Ундан мода саноатида тажрибаси борлиги ҳақида сўраган Роб «йўқ» деган жавобга қарамай қизни кастингга таклиф қилган.
Омади чопган қиз номзоди Германиянинг мода журнали Piction учун суратга тушишга тасдиқланган. Шундан кейин Луиза Gucci’нинг реклама видеоролигида иштирок этиш учун шартнома имзолаган.
Эндиликда модель сифатида фаолиятини давом эттираётган ва муваффақиятга эришган қиз ушбу ҳайратомуз тажриба унинг ҳаётини ўзгартириб юборгани, у ташқи кўриниши мода саноати учун тўғри келиши ҳақида ўйлаб ҳам кўрмагани, бир кун келиб набираларига Gucci’нинг модели эканини айтиб бера олиши мумкинлигини айтган.
Клара, шунингдек, янги касби унинг турмуш тарзини ўзгартирмагани, у ҳали ҳамон ўқитувчи бўлишни исташи ҳамда ҳаётда ўзини машҳур шахс сифатида тасаввур қила олмаслигини қўшимча қилган.
Изоҳ (0)