Futbol bo‘yicha Ispaniya La Ligasi 1-turining qoldirilgan uchrashuvi doirasida “Barselona” 24-fevral, chorshanba kuni o‘z maydonida “Elche”ni qabul qildi.
Uchrashuvda kataloniyaliklar raqibga hech qanday imkoniyat qoldirmadi. Dastlab 48-daqiqada Martin Breytueytning uzatmasidan so‘ng hisobni ochgan Leo Messi 20 daqiqa o‘tib, o‘z dublini nishonladi. Mezbonlarning 3-golini Xordi Alba 73-daqiqada kiritdi. Uning goliga ham Breytueyt hammuallikflik qildi.
Mazkur g‘alabadan so‘ng “ko‘k-anor ranglilar” musobaqa jadvalining 3-pog‘onasiga qaytdi. Jamoa hisobida 50 ochko bor va 2-o‘rindagi “Real Madrid”dan 2 ochkoga ortda qolmoqda.
La Liga
1-tur, qoldirilgan o‘yin
24-fevral, chorshanba
“Barselona”—“Elche” 3:0
Gollar: 1:0 – 48 Messi, 2:0 – 68 Messi, 3:0 – 73 Alba.
“Barselona”: ter Shtegen, Umtiti, Mingesa, Pike (Langle, 77), Alba (Dest, 77), Pyanich (Dembele, 46), de Yong, Pedri, Trinkau (Buskets, 67), Breytueyt (Grizmann, 76), Messi.
“Elche”: Badiya, Migel Anxel (Fidel, 60), Xosema, Verdu, Moxika, Rigoni (Morente, 60), Mfulu (Luismi, 81), Milya (Nino, 72), Guti, Barragan, Boye (Karrilo, 72).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)