Angliyada go‘zal tashqi ko‘rinishga ega qiz stereotiplarni o‘zgartirish maqsadida avtobus haydovchisi bo‘lishga qaror qildi

Angliyaning Esseks grafligida yashovchi Jodi Li Foks avtobus haydovchisi. Bu kasb uchun u haddan ortiq go‘zal ekani haqida qayta-qayta aytilishiga qaramay qiz, faoliyat sohasini o‘zgartirishni istamaydi. Bu haqda The Mirror xabar beradi.

24 yashar Jodi faoliyati bilan bog‘liq stereotiplarga qarshi kurashishga ahd qilgan. U TikTok sahifasida vazifasini bajarish davomida uchraydigan yo‘lovchilar haqida hikoya qiladi.

Avtobus haydovchiligiga ishga qabul qilish haqidagi e’lonni ko‘rgan Li Foks o‘zini sinab ko‘rishga qaror qilgan. Faoliyatini boshlaganidan buyon esa avtobusga chiqqan yo‘lovchilar unga xushomad qilishdan to‘xtamagan. Erkaklar uning ko‘rinishini ayollar esa soch turmagi va manikyurini maqtaydi.

“Avtobusga chiqqan erkaklar meni juda ham go‘zal ekanim va ular hayoti davomida mendek chiroyli avtobus haydovchisini ko‘rmaganligini ta’kidlaydi”, — deydi qiz.