Futbol bo‘yicha Angliya Premyer Ligasining 25-turida “Tottenhem” 21-fevral, yakshanba kuni “Vest Hem” maydoniga safar qildi.
Uchrashuvning 5-daqiqasida “Vest Hem” klubi a’zosi Maykl Antonio tezkor gol kiritishga muvaffaq bo‘ldi. 47-daqiqada Jessi Lingard hisobni oshirdi. “Tottenhem” yarim himoyachisi Lukas Moura 64-daqiqada hisobni qisqartirdi. Bellashuvning qolgan daqiqalari golsiz o‘tdi.
O‘z uyida g‘alaba qozongan “Vest Hem” 25-turdan so‘ng 45 ochko to‘plagan holda 4-o‘ringa ko'tarilib oldi. Ushbu mag‘lubiyatdan so‘ng “shporlar” 36 ochko bilan 9-o‘rinda bormoqda.
APL
25-tur bahsi
21-fevral, yakshanba
“Vest Hem”—“Tottenhem” 2:1
Gollar: 1:0 – 5 Antonio, 2:0 – 47 Lingard, 2:1 – 64 Lukas Moura.
“Vest Hem”: Fabianski, Douson, Kressuell, Diop, Soufal, Fornals (Jonson, 82), Souchek, Lingard (Nobl, 90), Rays, Bouen (Benrahma, 65), Antonio.
“Tottenhem”: Lyoris, Tanganga (Doerti, 46), Regilon (Alli, 77), Sanches, Dayer, Hyoybyerg, Lamela (Beyl, 46), Ndombele, Lukas Moura, Son Hyon Min, Keyn.
Ogohlantirishlar: Lamela (36), Hyoybyerg (42), Regilon (44), Souchek (56), Diop (62), Antonio (69), Fornals (72).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)