Shpitsbergen arxipelagida Kesha ismli mushuk vafot etdi. Bu haqda Esquire xabar beradi.
Qayd etilishicha, Keshaning guvohnomasiga ko‘ra, yoshi 12 da bo‘lgan. Ammo uning aniq yoshi va kim tomonidan olib kelingani to‘g‘risida ma’lumot yo‘q. So‘nggi yillarda u konchilar oilasida yashagan va keksalik tufayli mehribon qo‘llarda vafot etgan.
“Kesha chindan ham dunyo miqyosidagi ‘yulduz’. Jahon matbuotidagi havola va iqtiboslar ko‘rsatkichiga bir necha taniqli yulduz va mashhur insonlar ham hasad qilishi mumkin”, − deyiladi Arktika turizm markazida. Xususan, 2019-yil avgust oyida mashhur ingliz tilida so‘zlashuvchi bloger, Exploring With Josh kanali muallifi Kesha bilan uchrashuvga borgan.
Arxipelag Norvegiyaga tegishli bo‘lib, mintaqada ruslar ham yashashi mumkin. Ularning aksariyati Barensburgda yashaydi. “Russiya Beyond” nashrining ta’kidlashicha, 2000-yillarda Kesha arxipelagga Rossiyadan yashirincha olib kelingan.
1980-yilda yovvoyi hayvonlar orasida quturish holati aniqlangandan so‘ng Shpitsbergenga uy hayvonlarini olib kirish taqiqlangan. Shundan beri mushuk oz sonli uy hayvoni hisoblanadi. 2010-yilda norveg veterinarlari tomonidan hayvonlarni tekshirish vaqtida Rijiy, Mila va Nyura ismli mushuklar ham topilgan.
Mavzuga doir:
- Amerikalik ayol tanasi “yurakcha”lar bilan qoplangan mushukni boqib oldi
- Amerikalik advokat Zoom’da filtrni o‘chirishni esdan chiqardi va sud majlisida ko‘zlari o‘ynab turadigan mushuk obrazida chiqish qildi (video)
- Mushuk notiqlik san’ati darsida parda bilan “jang qildi”. Bundan bexabar uning egasi esa o‘z chiqishini davom ettiraverdi (video)
- Pochtalyon mushuk o‘z egalariga karantin mazmunli o‘tishini ta’minladi: u qo‘shnilarni do‘stlashtirib qo‘yib, turli tavsiya va retseptlarni tashigan
Izoh (0)