Amerikada 48 yoshli Jozef Devis ismli erkak 2015-yildan buyon uchrashib kelgan suyuklisining uzugini o‘g‘irlab, uning yordamida boshqa bir qizning qo‘lini so‘radi. Bu haqda Florida shtatidagi Volusha okrugi politsiyasiga tayanib, Esquire xabar berdi.
Huquq-tartibot idorasiga ikkala qiz ham murojaat qilgan. Birinchi qizning so‘zlariga ko‘ra, uning suygani o‘zini Jo Braun deya tanishtirgan. Facebook orqali u o‘zi ko‘ngil qo‘ygan erkak boshqa bir ayol bilan unashtirilganidan xabar topgan. Bundan tashqari, u suratdagi noma’lum ayolning qo‘lida o‘zining oldingi turmushidan qolgan uzukka o‘xshash uzukni payqab qolgan.
Shunda ayol g‘aladoniga qarab, u yerda uzuk va boshqa bir qator qimmatbaho buyumlar yo‘qolganini ko‘rib qolgan. O‘g‘irlangan buyumlarning umumiy qiymati 6270 dollarni tashkil etgan.
Sevgisi rad etilgan amerikalik barchasi haqida Braunning orlandolik “sevgilisi”ga aytib bergan va u ham erkak bilan ajrashgan. U suyuklisi noqonuniy yo‘l bilan qo‘lga kiritgan qimmatbaho buyumlarining bir qanchasini jabrlanuvchiga qaytarib bergan. Ikkinchi ayolning so‘zlariga ko‘ra, erkak unga o‘zini Markus Braun deb tanishtirgan va ular 2016-yildan buyon uchrashib kelgan.
Ikkinchi jabrlanuvchining ma’lum qilishicha, uning sevgani munosabatlariga yakun yetgach noutbuk va qimmatbaho buyumlarini o‘g‘irlab ketgan. Shuningdek, aniqlanishicha, hozircha Oranj-Sitida istiqomat qiluvchi ayol (birinchi) uyida bo‘lmagan vaqtda erkak u yerda ikkinchi raqamli qizni olib kelgan va uning uyiga ko‘chib o‘tish taklifini bildirgan. Kelin buyumlarini yig‘ishtirib, ko‘chishga rozi bo‘lgan bir paytda erkak fikridan qaytib qolgan.
Politsiyaning aniqlashicha, firibgarning asl ismi — Jozef Lui Devis. Ikkala qiz bilan ham u OKCupid tanishuv sayti orqali tanishgan. Erkak bir necha bor sudlangan. Politsiya hozirda uni qidirmoqda.
Izoh (0)