Uch metr balandlikda soatiga 160 kilometrgacha tezlikda harakatlanishga qodir Terrafugia Transition avtomobili FAA’dan uchish bo‘yicha Special Light-Aircraft sertifikatini oldi, deb xabar beradi “Korrespondent.net”.
100 ot kuchiga ega yoqilg‘i purkovchi Rotax 912iS Sport dvigateli yuqori sifatli benzinda yoki, 100LL aviatsiya yoqilg‘isida ishlay oladi, avtomobil esa gibrid elektrodvigatel yordamida harakatga keladi.
Ikki o‘rindiqli avtomobil to‘rtta g‘ildiragida ham gidravlik diska tormozlari, uglerod toladan ishlangan mustahkam xavfsizlik karkasi va parashyutga ega. Mashinani bitta avtomobilga mo‘ljallangan garajda saqlash oson bo‘lishi uchun qanotlari yig‘iladi.
Avtomobilning to‘laqonli havo-yer gibrid modelini ishlab chiqarish 2022-yilga rejalashtirilgan. Hozircha esa faqat gaz yoki aviatsiya yoqilg‘isida ishlaydigan uchar modellar mavjud.
Bu kabi uchar avtomobil egalaridan nafaqat haydovchilik guvohnomasi, balki sport uchuvchiligi bo‘yicha hujjat ham talab etiladi.
Avvalroq Moskvada bir marta quvvatlanish orqali 100 kilometr yo‘l bosa oladigan havo taksisi sinovdan o‘tkazilayotgani to‘g‘risida xabar berilgandi.
Mavzuga doir: Kanadada gibrid uchar avtomobil taqdim etildi (foto)
Izoh (0)