“Barselona” jamoasi Chempionlar Ligasi 1/8 final ilk bahsi doirasida 16-fevral, seshanba kuni PSJga qarshi bahs olib boradi. O‘yin Toshkent vaqti bilan 17-fevralga o‘tar kechasi 01:00 da boshlanadi.
Katalonlar ustozi Ronald Kuman uchrashuvga jalb etilgan futbolchilar kengaytirilgan tarkibini e’lon qildi. Undan 21 nafar futbolchi o‘rin olgan.
Uchrashuvni jarohat sabab Ronald Arauxo, Serxi Roberto, Ansu Fati va Filippe Koutinyo kabi futbolchilar o‘tkazib yuboradi. Jarohat tufayli 21-noyabrdan beri maydonga tusha olmayotgan “Barselona” yetakchisi Xerard Pike esa qaydnomadan o‘rin oldi.
Avvalroq PSJ ham “Barselona”ga qarshi o‘yin qaydnomasini e’lon qilgandi.
Qaydnomadan joy olgan futbolchilar bilan tanishing:
Darvozabonlar: Mark Andre ter Shtegen, Neto, Inyaki Penya;
Himoyachilar: Xerard Pike, Samyuel Umtiti, Kleman Langle, Xordi Alba, Xunior Firpo, Serjinyo Dest, Oskar Mingesa;
Yarim himoyachilar: Serxio Buskets, Frenki de Yong, Miralem Pyanich, Pedri Gonsales, Rikard Puch, Mateus Fernandes;
Hujumchilar: Lionel Messi, Antuan Grizmann, Usmon Dembele, Martin Breytueyt, Fransishku Trinkau.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)