«Барселона» жамоаси Чемпионлар Лигаси 1/8 финал илк баҳси доирасида 16 февраль, сешанба куни ПСЖга қарши баҳс олиб боради. Ўйин Тошкент вақти билан 17 февралга ўтар кечаси 01:00 да бошланади.
Каталонлар устози Рональд Куман учрашувга жалб этилган футболчилар кенгайтирилган таркибини эълон қилди. Ундан 21 нафар футболчи ўрин олган.
Учрашувни жароҳат сабаб Роналд Араухо, Серхи Роберто, Ансу Фати ва Филиппе Коутиньо каби футболчилар ўтказиб юборади. Жароҳат туфайли 21 ноябрдан бери майдонга туша олмаётган «Барселона» етакчиси Херард Пике эса қайдномадан ўрин олди.
Аввалроқ ПСЖ ҳам «Барселона»га қарши ўйин қайдномасини эълон қилганди.
Қайдномадан жой олган футболчилар билан танишинг:
Дарвозабонлар: Марк Андре тер Штеген, Нето, Иняки Пеня;
Ҳимоячилар: Херард Пике, Самюуэль Умтити, Клеман Лангле, Хорди Альба, Хуниор Фирпо, Сержиньо Дест, Оскар Мингеса;
Ярим ҳимоячилар: Серхио Бускетс, Френки де Йонг, Миралем Пьянич, Педри Гонсалес, Рикард Пуч, Матеус Фернандес;
Ҳужумчилар: Лионель Месси, Антуан Гризманн, Усмон Дембеле, Мартин Брэйтуэйт, Францишку Тринкау.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)