Bugatti mijozlaridan biri 14-fevral — avliyo Valentin kunida suyuklisiga bergan hashamatli sovg‘asi — Chiron Sport giperkarining maxsus versiyasi haqida ma’lumot berdi. Alice’ning maxsus versiyasi HR Owen’ning personalizatsiya natijasi hisoblanadi va u oddiy Chiron Sport kupelaridan oq-pushti livreyalari va salonidagi qoplamalari bilan farq qiladi, deb xabar beradi Motor.
Bugatti’ning Britaniyadagi dilerining bosh direktori Alice kim ekanligi to‘g‘risidagi sirni oshkor etmagan, biroq giperkar maxsus buyurtma asosida yagona nusxada yaratilganini tasdiqlagan. Avtomobilsozlik kompaniyasi matbuot xizmatining ma’lum qilishicha, “mijozlarning ushbu aqlbovar qilmas Chiron Sport bilan birlashishida muhim rolni o‘ynash Bugatti uchun ulkan sharaf hisoblanadi”.
Oq-pushti rangli noyob kuzov va g‘ildirak diskalaridan tashqari giperkar Gris Rafale charmi bilan qoplangan saloni bilan ham ajralib turadi. O‘rindiqlarning bosh qo‘yishga mo‘ljallangan qismida Alice nomi tushirilgan.
Kiritilgan o‘zgartirishlar modelning texnik jihatiga taalluqli emas: kapot ostidan 1500 ot kuchiga ega (1600 Nm) to‘rtta turboisitgichli standart W16 o‘rin olgan. Alice loyihasining asosini Sport versiyasi tashkil etgani sabab kupe yengil korpus va boshqacha shassi sozlamasiga ega bo‘lgan.
An’anaga ko‘ra, Bugatti noyob loyihalarning narxini e’lon qilmaydi, biroq Chiron Sport Alice uchun buyurtmachi kamida 3 million yevro to‘lagan.
Mavzuga doir: Kim Kardashyan qo‘l ostidagi xodimlarining har biriga 10 ming dollarlik Rolex soatini sovg‘a qildi
Izoh (0)