YouTube’dagi TheStradman kanalida g‘ildiraklari o‘rniga gusenitsa o‘rnatilgan noodatiy Lamborghini Aventador superkarini qorli ob-havo sharoitida sinab ko‘rilgani tasvirlangan video paydo bo‘ldi.
Rolik mualliflarining so‘zlariga ko‘ra, loyihani amalga oshirishda Italiya superkariga mos kelishi uchun L-simon original gusenitsalarni noldan boshlab yaratishga to‘g‘ri kelgan. Shu bilan birga, “podveska” to‘liq o‘zgartirilgan, mashinaning ost qismi va yer yuzasi orasidagi masofa 460 millimetrga yetgan. Shuningdek, avtomobilning o‘zi sezilarli darajada keng ko‘rinish olgan.
Bu kabi konstruksiya 700 ot kuchiga ega V12 motori bilan birgalikda ishlay olishga qodirligini tekshirish maqsadida blogerlar qorli poligonga yo‘l olgan. Birinchi muammo — Aventador’ni yerga tushirish bo‘lgan va ikki-uch urinishdan so‘ng, uddalashga muvaffaq bo‘lingan. Natijada mashina qor yuzasiga tushgan va hatto harakatlangan.
Sinov harakatlari vaqtida gusenitsali konstruksiya superkarning original elektron vositalarining ishlashiga hech qanday ta’sir ko‘rsatmasligi ma’lum bo‘lgan. Biroq harakat vaqtida mufta qizib ketgan. Bunga juda og‘ir qoplama sabab bo‘lgan.
Tajribadan to‘liq hajmda foydalanishning imkoni bo‘lmagani sabab Aventador maydon o‘rtasida qor uyumiga tiqilib qolgan. Superkar mustaqil qordan chiqa olmagani sabab uni evakuatsiya qilishga to‘g‘ri kelgan. Unga yordam berish uchun gusenitsali Jeep Gladiator yetib kelgan.
Avvalroq vyetnamlik blogerlar karton qog‘ozdan Lamborghini Aventador yasagani to‘g‘risida xabar berilgandi.
Izoh (0)