Futbol bo‘yicha Angliya chempionatining 24-turidan o‘rin olgan bir qator uchrashuvlar 14-fevral, yakshanba kuni bo‘lib o‘tdi.
“Manchester Yunayted” jamoasi “Vest Bromvich” uyiga safar qildi. Ole-Gunnar Sulsher shogirdlari kutilmaganda durang natija qayd etdi. Uchrashuvning dastlabki daqiqalarida mezbonlar hisobni ochdi, golga Mbaye Dian mualliflik qildi. Birinchi bo‘limning yakuniga kelib Brunu Fernandesh o‘zining chiroyli goli bilan muvozanatni tikladi. Ikkinchi bo‘lim golsiz o‘tdi.
“Qizil iblislar” 46 ochko bilan ikkinchi o‘rinda qoldi va bitta zaxira o‘yiniga ega “Manchester Siti”dan 7 ochkoga ortda qolmoqda. “Vest Bromvich” (13) esa 19-pog‘onada bormoqda.
24-turdan o‘rin olgan yana bir bahs “Sauthempton” va “Vulverhempton“ klublari o‘rtasida kechdi. Uchrashuvda “bo‘rilar” 2:1 hisobida g‘alaba qozondi.
APL
24-tur bahslari
14-fevral, yakshanba
“Vest Bromvich”—“Manchester Yunayted” 1:1
Gollar: 1:0 – 2 Dian, 1:1 – 44 Brunu Fernandesh.“Vest Bromvich”: Jonston, Bartli, Ajayi, Taunsend, Meytlend-Naylz, Gallaxer, Snodgrass (Fillips, 87), Mateus Pereyra, Yokushlu (Livermor, 67), Pelter (Ferlong, 46), Dian.
“Manchester Yunayted”: De Xea, Uan-Bissaka, Maguayr, Lindelyof, Shou, Fred (van de Bek, 79), Maktominey, Brunu Fernandesh, Kavani, Reshford, Marsyal (Grinvud, 66).
Ogohlantirishlar: Gallaxer (37), Bartli (61), Meytlend-Naylz (79), Snodgrass (85), Dian (89).
“Sauthempton”—“Vulverhempton” 1:2
Gollar: 1:0 – 25 Ingz, 1:1 – 53, penalti Ruben Nevesh, 1:2 – 66 Netu.“Sauthempton”: Makkarti, Bednarek, Vestergor, Bertran, Uoker-Piters (Salisu, 72), Armstrong (Adams, 69), Uord-Prouz, Redmond, Romeu, Minamino (Jenepo, 62), Ingz.
“Vulverhempton”: Ruy Patrisiu, Kastro (Marsal, 69), Semedu, Koudi, Saiss, Ruben Nevesh, Dendonker, Traore, Moutinyu, Netu (Kilmen, 90), Villian Joze (Fabiu Silva, 89).
Ogohlantirishlar: Romeu (17), Saiss (54), Bednarek (61), Netu (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)