YouTube’даги TheStradman каналида ғилдираклари ўрнига гусеница ўрнатилган ноодатий Lamborghini Aventador суперкарини қорли об-ҳаво шароитида синаб кўрилгани тасвирланган видео пайдо бўлди.
Ролик муаллифларининг сўзларига кўра, лойиҳани амалга оширишда Италия суперкарига мос келиши учун L-симон оригинал гусеницаларни нолдан бошлаб яратишга тўғри келган. Шу билан бирга, «подвеска» тўлиқ ўзгартирилган, машинанинг ост қисми ва ер юзаси орасидаги масофа 460 миллиметрга етган. Шунингдек, автомобилнинг ўзи сезиларли даражада кенг кўриниш олган.
Бу каби конструкция 700 от кучига эга V12 мотори билан биргаликда ишлай олишга қодирлигини текшириш мақсадида блогерлар қорли полигонга йўл олган. Биринчи муаммо — Aventador’ни ерга тушириш бўлган ва икки-уч уринишдан сўнг, уддалашга муваффақ бўлинган. Натижада машина қор юзасига тушган ва ҳатто ҳаракатланган.
Синов ҳаракатлари вақтида гусеницали конструкция суперкарнинг оригинал электрон воситаларининг ишлашига ҳеч қандай таъсир кўрсатмаслиги маълум бўлган. Бироқ ҳаракат вақтида муфта қизиб кетган. Бунга жуда оғир қоплама сабаб бўлган.
Тажрибадан тўлиқ ҳажмда фойдаланишнинг имкони бўлмагани сабаб Aventador майдон ўртасида қор уюмига тиқилиб қолган. Суперкар мустақил қордан чиқа олмагани сабаб уни эвакуация қилишга тўғри келган. Унга ёрдам бериш учун гусеницали Jeep Gladiator етиб келган.
Аввалроқ ветнамлик блогерлар картон қоғоздан Lamborghini Aventador ясагани тўғрисида хабар берилганди.
Изоҳ (0)