O‘zbekiston Prezidenti Administratsiyasi rahbarining qaroriga asosan, Abduhalim Xolmaxmatov Prezident Xalq qabulxonasining Toshkent viloyatidagi mudiri etib tayinlandi. Bu haqda Bosh prokuratura xabar berdi.
Ma’lumot uchun, Abduhalim Xolmaxmatov 2021-yil 12-fevral kuniga qadar bosh prokurorning birinchi o‘rinbosari vazifasida faoliyat yuritib kelayotgan edi. Uning o‘rniga Bahriddin Valiyev bosh prokuror birinchi o‘rinbosari etib tayinlandi.
Bundan avval Ulug‘bek Qosimov Toshkent shahar prokurori lavozimiga tayinlangani hamda O‘zbekiston Ichki ishlar vazirligi tizimida bir qancha lavozim tayinlovlari ro‘y bergani haqida xabar berilgandi.
Izoh (0)