Toshkent hayvonot bog‘ining modernizatsiya loyihasiga oid bir nechta konseptlar taqdim etildi

Toshkent hayvonot bog‘i o‘z hududini kelajakdagi modernizatsiyasiga bag‘ishlangan loyihadan bir nechta konseptni taqdim etdi.

“Mana, bu safar ham hayvonot bog‘imizga yangi kirish joyini qurishni rejalashtirdik. Loyiha konsepsiyasi bilan fotosuratimiz orqali tanishib chiqishingiz mumkin. Kirish joyi oldida bufer hududi yaratiladi, uni hayvonot bog‘idan esa kirish joyi oldida o‘rnatilgan turniketlar ajratib turadi. Volyerlarni ham qayta qurish kutilmoqda. Ta’mir va qayta qurish davrida hayvonot bog‘i ishlashda davom etadi”, — deyiladi xabarda.

Eslatib o‘tamiz, 2020-yilning yanvarida Germaniyaning dan pearlman Group kompaniyasi Toshkent hayvonot bog‘ini rekonstruksiya qilish loyihasini ishlab chiqishga yordam ko‘rsatishi ma’lum bo‘lgandi. Kompaniya Germaniya, Gruziya, Italiya, Buyuk Britaniya, Daniya, Janubiy Koreya va boshqa mamlakatlarda hayvonot bog‘larini rivojlantirish rejalari va dizaynlarini ishlab chiqqan.