Samarqand viloyatining Urgut tumanida yashovchi fuqaro A.U. ikki nafar voyaga yetmagan farzandining moddiy ta’minoti uchun 246 million 750 ming so‘m aliment pulini 23 ming 500 dollar ko‘rinishida oldindan to‘lab berdi. Bu haqda “Daryo”ga MIBning Urgut tuman bo‘limi ma’lum qildi.
Ta’kidlanishicha, fuqarolik ishlari bo‘yicha Toyloq tumanlararo sudi qarori bilan fuqaro A.U.dan undiruvchi B.A.ning ikki nafar voyaga yetmagan farzandi ta’minoti uchun uchdan bir qismi miqdorida aliment undirish belgilangan.
MIB Urgut tuman bo‘limi tomonidan ijro ishi yuritilgan bo‘lishiga qaramasdan, fuqaro aliment to‘lovlarini to‘lamasdan kelgan.
MIB Urgut tuman bo‘limi xodimlari tomonidan tushuntirish va profilaktik tadbirlar olib borilganidan so‘ng qarzdor ota farzandlari ta’minotini o‘ylab, ular voyaga yetgunga qadar to‘lanadigan aliment pulini hisoblatib, 246 million 750 ming so‘m to‘lab berdi.
Izoh (0)