O‘zbekistonda 12-fevral kuni quruq va juda iliq ob-havo bo‘lishi kutilmoqda, faqat Xorazm viloyatida bulutlilik ko‘payishi hisobiga biroz yomg‘ir yog‘ishi ehtimoli bor, deb xabar bermoqda “O‘zgidromet”. Harorat iqlimiy me’yordan 8-10 darajaga yuqori bo‘lib, 15-20 daraja iliq, janubda esa 20-25 daraja iliq atrofida bo‘ladi.
13-fevral kuni bulutli massiv janubi-sharq tomonga siljidi, tog‘ oldi tog‘li hududlarda ba’zi joylarda yomg‘ir yog‘ishi, baland tog‘li hududlarda yog‘ingarchilik (yomg‘ir, qor) bo‘lishi mumkin. Mamlakatning qolgan hududlarida yog‘ingarchilik kutilmaydi. 14-fevral kuni O‘zbekiston bo‘yicha yog‘ingarchilik ehtimoli kam.
Dam olish kunlari harorat ko‘tarilishi davom etadi, kechalari 3-8 daraja iliq bo‘lishi kutilmoqda, kunduz kunlari esa havo 17-20 daraja iliqqacha, janubda 23-25 daraja iliqqacha isiydi. Dam olish kunlarida o‘rtacha kecha-kunduzlik havo harorati me’yordan 10-12 daraja yuqori bo‘ladi.
Dam olish kunlari O‘zbekistonning tog‘li hududlarida qor ko‘chishi xavfi saqlanib turadi.
Izoh (0)