Муносабатларни никоҳ билан боғлаш жуда ҳам муҳим қадам ҳисобланади. Бунга қарор қилган жуфтликлар бахтли ҳаёт кечириши ёки кейинчалик пушаймон бўлиши ҳам мумкин. Буни эса вақт кўрсатади.
София Буш ва Чад Майкл Мюррей
Софиянинг ҳамкасби Чадга турмушга чиқиши мухлисларини ажаблантирган. Аввалига бирга суратга тушган ва севишганлар ролини ижро қилган жуфтликнинг ҳаётда бундай муносабатда бўлиши кутилмаган ҳол бўлган. София турмуш қурган вақти 22, Чад эса 23 ёшда бўлган. Аммо уларнинг турмуши узоққа бормаган. Шундан кейин Мюррей Перис Хилтон билан хиёнат қилган, деган миш-миш тарқаган. Бушнинг ўзи эса буни инкор қилиб, ҳаммасига ёш ва тажрибасизликлари сабаб бўлганини айтган.
Майли Сайрус ва Лиам Хемсворт
Майли ва Лиам бир неча йилдан буён учрашиб юргани сабаб уларнинг турмуш қуриши ҳеч ким учун янгилик бўлмаган. Аммо никоҳ билан боғланган муносабатлар узоққа бормаган. Хемсворт билан 7 ойдан кейин ажрашган Сайрус уни ҳамиша севиши ва ҳурмат қилишдан тўхтамаслигини таъкидлаган.
Рассел Брэнд ва Кети Перри
Тушунмовчиликлар кўп бўлишига қарамай, юлдузли жуфтлик бирга кечирган йилларидан афсусланмайди. Маълум бўлишича, турмуш қурган жуфтлик Брэнднинг ташаббуси билан ажрашган. Шунга қарамасдан, актёр собиқ рафиқасини ҳурмат билан эслайди ва уни ажойиб аёл деб ҳисоблайди.
Дрю Берримор ва Жереми Томас
Ёш бўлишига қарамай, машҳурликка эришган Дрю 19 ёшида Жереми Томасга турмушга чиққан. Аммо улар турмуш қурганидан кейин жуда қисқа вақт бирга яшаган. Берримор ва Томас бор-йўғи 6 ҳафта бирга яшаган. Кейин эса қарорлари хато бўлганини тушуниб етган.
Бредли Купер ва Женнифер Эспозито
Бредли 2007 йилда Женниферга уйланган. Турмуш қургунича бир неча ҳафта давомида учрашиб юрган, оила қурганидан кейин эса бир неча ҳафта бирга яшаган. 2014 йилда Женнифер Бредлининг ҳазилкашлиги ва феъл-атвори уни ўзига мубтало этганини, аммо кейинчалик «кўзи кўр» бўлганини тушуниб етганини маълум қилган.
Жонни Депп ва Эмбер Хёрд
Жуфтликнинг ажрашиш жараёни турмуш қуриб бирга яшаганидан ҳам кўпроқ чўзилаётгани ҳеч кимга сир эмас. 2009 йилда суратга олиш майдончасида танишган жуфтлик 2012 йилдан кўриша бошлаган. Орадан икки йил ўтиб турмуш қурган машҳурларнинг турмуши 1 йил давом этган, холос. Эмбер Жоннини зўравонликда айблаб, судга берган. Шундан кейин аҳвол янада ёмонлашган.
Николас Кейж ва Эрика Койке
Тўрт маротаба турмуш қурган Николас фақатгина бир марта бу қароридан қаттиқ афсусланган. 2009 йилда Лос-Анжелесда Эрикага уйланган ва атиги 4 кун бирга яшаган. Шундан кейин актёр аслида уйланиш нияти бўлмагани ва бу қилган ишидан афсусланганини билдирган.
Изоҳ (0)