Iste’dodi, mahorati va o‘ziga xos tashqi ko‘rinishi bilan seriallarning muvaffaqiyatli chiqishini ta’minlaydigan turk aktrisalarning ekranga qaytishi muxlis va tomoshabinlar uchun kutilmagan hol.
Berguzar Korel
Halit Ergenchning iste’dodli va maftunkor rafiqasi anchadan buyon ekranda ko‘rinish bermay qo‘ygan. So‘nggi marta “Vatanim sensan” serialida suratga tushgan aktrisa shundan keyin faqat filmlarda rol ijro qila boshlagan. Ko‘proq vaqtini oilasiga bag‘ishlashga qaror qilgan Berguzar, suratga olish ishlari ba’zan 12 soatlab davom etishi va bu juda katta zo‘riqish ekanini ma’lum qilgan. 2021-yilda suratga tushishi kutilayotgan Korel, raqamli platformada efirga uzatiladigan serialda suratga tushadi.
Deniz Chakir
“Yomonlik dunyoga ustun bo‘lolmas” serialidagi rolidan mahrum bo‘lganidan keyin aktrisa karyerasida biroz muddat omadsizlik kuzatilgan. U 2019-yilda bosh qahramon sifatida tasdiqlangan serial past reyting sabab to‘xtatilgan. 2021-yilda “Muhtasham yuz yil” yulduzining ekranga qaytishi kutilmoqda. U “Ma’sumlik” serialida suratga tushadi.
Hulya Avshar
“Kosem” serialida Safiya sulton rolini ijro qilgan. Shundan keyin ekranlarda ko‘rinmay qolgani sabab muxlislar 57 yashar aktrisaning salomatligidan xavotirlana boshlagan. Ammo Hulyaning o‘zi yangi “Ma’sumlik” serialida suratga tushishini ma’lum qolgan.
Hazal Kaya
“Taqiqlangan sevgi” va “Maral” seriallari yulduzi 2021-yilda yangi loyihalarda ishtirok etishga tayyor. U 2019-yilda “Bizning hikoya” serialida suratga tushgan, ammo homiladorligi sabab suratga olish ishlari to‘xtatilgan. Muxlislar sevimli aktrisalarini Netflix tomonidan suratga olinayotgan yangi “Pere Palasdagi yarim tun”serialida ko‘rishi mumkin.
Pelin Qoraxon
“Muhtasham yuz yil” yulduzi so‘nggi marta 2018-yili “Uyimdagi dushman” serialida rol ijro qilgan. Suratga olish ishlari yakuniga yetganidan keyin Pelin vaqtini farzandlariga sarflashga qaror qilgan. Shunga qaramay, prodyuserlar unga yangi loyihada ishtirok etishni taklif qilib charchamagan. Va nihoyat aktrisa “Bir kuni Kiprda” serialida suratga tushishga rozilik bergan.
Izoh (0)