Англия Премьер Лигасининг январь ойидаги энг яхши мураббийи номи маълум бўлди. Бу ҳақда лига матбуот хизмати маълум қилди.
«Манчестер Сити» устози Пеп Гвардиола Англия чемпионатида январь ойининг энг яхши мураббийи деб топилди. Испаниялик мутахассис бошчилигидаги жамоа ортда қолган ойдаги олтита ўйиннинг барчасида ғалаба қозонди ва уларда умумий 16:1 ҳисобини қайд этди.
Ушбу ном учун шунингдек, қуйидаги мураббийлар кураш олиб борганди:
- Микель Артета («Арсенал») — 5 ўйинда 3 ғалаба ва 2 та дуранг;
- Дэвид Моес («Вест Ҳэм») — 5 ўйинда 4 ғалаба ва 1 мағлубият;
- Грем Поттер («Брайтон») — 5 ўйинда 2 та ғалаба, 1 дуранг ва 2 та мағлубият.
🤩 𝐒𝐈𝐗 matches, 𝐒𝐈𝐗 wins 🤩@ManCity boss Pep Guardiola is your @BarclaysFooty Manager of the Month for January#PLAwards pic.twitter.com/KjFVkFr1BK
— Premier League (@premierleague) February 12, 2021
Эслатиб ўтамиз, 2020 йилнинг декабрь ойида «Астон Вилла» бош мураббийи Дин Смит АПЛнинг энг яхши мураббийи деб топилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)