Англия Премьер Лигасининг январь ойидаги энг яхши ўйинчиси номи маълум бўлди. Бу ҳақда лига матбуот хизмати маълум қилди.
«Манчестер Сити» ҳужумкор ярим ҳимоячиси Илкай Гундўған АПЛда январь ойининг энг яхшиси деб топилди. Германиялик футболчи ўтган ойдаги олти ўйинда бешта гол уришга муваффақ бўлди. 30 ёшли футболчи илк бор мазкур совринга эга чиқди.
Шунингдек, ушбу соврин учун қуйидаги футболчилар даъвогар эди:
- Бернд Лено («Арсенал») — 5 та ўйин, 1 та ўтказиб юборилган гол;
- Крейг Доусон («Вест Ҳэм») — 5 та ўйин, 2 та гол;
- Жон Стоунз («Манчестер Сити») — 5 та ўйин, 2 та гол;
- Жек Грилиш («Астон Вилла») — 5 та ўйин, 1 та гол, 3 та ассист;
- Жеймс Мэддисон («Лестер») — 5 та ўйин, 3 та гол, 1 та ассист;
- Матеус Перейра («Вест Бромвич») — 5 та ўйин, 4 та гол;
- Букайо Сака («Арсенал») — 4 та ўйин, 3 та гол, 1 ассист.
«Ливерпуль» ҳужумчиси Муҳаммад Салоҳнинг «Вест Ҳэм» дарвозасига киритган тўпи ойнинг энг чиройли голи номига лойиқ кўрилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)