Buyuk Britaniyada demensiya kasalligiga chalingan 83 yoshli Stenli Xarbor va uning 81 yoshli rafiqasi Mavis koronavirus pandemiyasi sabab bir yillik ayriliqdan so‘ng uchrashdi. Bu haqda Manchester Evening News nashri xabar bermoqda.
Mavis erini oxirgi marta 2020-yil fevralida, Boltonda joylashgan Lever Edge qariyalar uyi cheklov choralari tufayli yopilganda ko‘rgan.
“Stenlini yana ko‘rganimdan juda xursandman. Uni har kuni sog‘inib yig‘lardim. Men nihoyatda baxtliman va undan ajralishni istamayman. Men usiz yasholmasligimni his qilyapman”, — deydi Mevis. Stenli turmush o‘rtog‘ini guldasta bilan kutib olgan. Juftlikka qariyalar uyi xodimlari tomonidan romantik kechki ovqat tashkillashtirilgan.
Nashrning yozishicha, 1950-yildan beri birga yashagan chol-kampir uchun bir-biridan ayrilish juda og‘ir bo‘lgan. Mevisning sog‘lig‘i yomonlasha boshlagan, shu sababli u turmush o‘rtog‘ining yoniga, qariyalar uyiga ko‘chib o‘tishga qaror qilgan.
Mevisning aytishicha, baxtli turmush — kaliti bir-biri bilan murosa qilishda. Juftlik 1960-yilda Bostonda turmush qurgan. Hozirda ularning 2 o‘g‘li, 3 nevarasi va 1 nafar evarasi bor.
The Guardian’ning yozishicha, Buyuk Britaniyada qariyalar uyining deyarli barcha aholisi vaksinaning birinchi dozasi bilan emlangan, ammo ikkinchi dozaga qadar tashriflar cheklangan.
Izoh (0)