E-bay platformasida basketbolchi Maykl Jordanning imzosi tushirilgan Air Jordan 1 krossovkalari sotuvga qo‘yildi — bir juft oyoq kiyim narxi 1 million dollarga baholanmoqda, deb xabar beradi Esquire.
Klassik qizil-oq-qora rangli “Chikago” oyoq kiyimi Amerikaning nostandart — 13,5 o‘lchamiga ega. Sotuvchining ma’lum qilishicha, ushbu krossovkalar Maykl Jordan uchun maxsus yaratilgan oyoq kiyimlardan biri hisoblanadi va ular sotuvga chiqmagan (bu kabi o‘lcham haqiqatda keng sotuvda yo‘q — u 1985-yilda sportchi uchun maxsus yaratilgan. Jordanning imzosi esa rasman tasdiqlangan.
850204TYPS artikulli krossovkalar 15-20 nusxada ishlab chiqarilgan. 2020-yilda ushbu tirajga kiruvchi yangi bo‘lmagan oyoq kiyim auksionda 615 ming dollarga sotilgan edi.
Avvalroq AQShda Maykl Jordanga tegishli bo‘lgan Mercedes-Benz SLR McLaren auksion orqali qariyb 700 ming dollarga sotilgani to‘g‘risida xabar berilgandi.
Izoh (0)