Futbol bo‘yicha Angliya Kubogining 1/8 finalida “Manchester Yunayted” va “Vest Hem” 9-fevral, seshanba kuni o‘zaro bellashdi.
Uchrashuvning asosiy vaqtida 0:0 hisobi qayd etildi. Qo‘shimda bo‘limlarning 7-daqiqasiga kelib Ole-Gunnar Sulsher shogirdlari hisobni ochishga muvaffaq bo‘ldi. Uchrashuvdagi yagona golga Skott Maktominey mualliflik qildi.
Kubok doirasida yana bir o‘yin “Byornli” va “Bornmut” jamoalari o‘rtasida kechdi. Unda mehmonlarning qo‘li baland keldi.
Shu tariqa g‘alaba qozongan jamoalar keyingi bosqichga yo‘l oldi.
Angliya Kubogi
1/8 final bahslari
9-fevral, seshanba
“Manchester Yunayted” — “Vest Hem” 1:0
Gol: 1:0 – 97 Maktominey.“Manchester Yunayted”: Henderson, Lindelyof, Uan-Bissaka (Uilyams, 90), Telles (Shou, 90), Maguayr, Matich (Maktominey, 73), Fred, van de Bek (Brunu Fernandesh, 73), Marsyal, Grinvud (Kavani, 86), Reshford.
“Vest Hem”: Fabianski, Soufal, Douson, Kressuell, Ogbonna (Diop, 16; Frederiks, 46), Nobl, Suchek, Bouen (Jonson, 46), Rays, Yarmolenko (Odubeko, 54; Lansini, 112), Fornals (Benrahma, 88).
“Byornli” — “Bornmut” 0:2
Gollar: 0:1 – 21 Serridj, 0:2 – 88, penalti Stanislas.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)