O‘zbekistonda yana 4 ta xususiy bandlik agentligining litsenziyasi bekor qilindi. Bu haqda Bandlik va mehnat munosabatlari vazirligi matbuot xizmati xabar berdi.
Ma’lum qilinishicha, Toshkent tumanlararo iqtisodiy sudining 2021-yil 7-yanvardagi qarori bilan Profit4you Europe xususiy bandlik agentligi MChJning litsenziyasi bekor qilingan.
Full employment xususiy bandlik agentligi MChJ, Dawamli satli is xususiy bandlik agentligi MChJ litsenziyasi Toshkent tumanlararo iqtisodiy sudining 2021-yil 25-yanvardagi qarori bilan bekor qilingan.
Vodiy HR xususiy bandlik agentligi MChJning litsenziyasi esa litsenziyalovchi organning 2021-yil 29-yanvardagi qarori bilan bekor qilingan.
Eslatib o‘tamiz, 2020-yilning noyabrida O‘zbekistondagi 3 ta xususiy bandlik agentligining litsenziyasi bekor qilingan hamda 20 ta xususiy bandlik agentligining litsenziyasi vaqtincha to‘xtatilgandi.
Izoh (0)