Bugun,

  • USD 11095.31
  • RUB 173.84
  • EUR 10772.44

Bandlik va mehnat munosabatlari vazirligi huzuridagi Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasida yetarli zaxira mablag‘larni shakllantirmagan xususiy bandlik agentliklari faoliyati vaqtincha to‘xtatildi. Bu haqda vazirlik matbuot xizmati xabar qildi.

O‘zbekistonning 2020-yil 13-avgustdagi “Xususiy bandlik agentliklari to‘g‘risida”gi qonuniga asosan, O‘zbekistondan tashqaridagi ishni qidirayotgan shaxslarni ishga joylashtirish bo‘yicha xizmatlar ko‘rsatish uchun xususiy bandlik agentliklari zaxira qilinadigan summa sarflangan taqdirda mablag‘larning o‘rnini to‘ldirish, shuningdek, litsenziya tugatilgan yoki bekor qilingan taqdirda mablag‘ni qaytarish shartlari bilan bazaviy hisoblash miqdorining sakkiz ming besh yuz baravari miqdoridagi mablag‘larni Bandlik va mehnat munosabatlari vazirligi huzuridagi Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasida zaxira qilib qo‘yilishi belgilangan.

Yuqoridagi qonun talabini bajarmagan quyidagi xususiy bandlik agentliklari faoliyatlari 2020-yilning 3-dekabriga qadar vaqtincha to‘xtatib qo‘yildi:

  • Mirai recruitment xususiy bandlik agentligi MChJ;
  • Euroasia Innovation xususiy bandlik agentligi MChJ QK;
  • Avangard Personal xususiy bandlik agentligi MChJ;
  • Vodiy HR xususiy bandlik agentligi MChJ;
  • Profit4you Europe xususiy bandlik agentligi MChJ;
  • Global hansung recruiting xususiy bandlik agentligi MChJ;
  • Kontinent himoya xususiy bandlik agentligi MChJ;
  • DAWAMLI SATLI IS xususiy bandlik agentligi MChJ;
  • Status777 xususiy bandlik agentligi MChJ;
  • United aim xususiy bandlik agentligi MChJ;
  • Jyonan-staff bank xususiy bandlik agentligi MChJ;
  • Xususiy bandlik agentligi manpower MChJ QK;
  • Migration-consulting agency xususiy bandlik agentligi MChJ;
  • Global resources xususiy bandlik agentligi MChJ;
  • Migo overseas consulting xususiy bandlik agentligi MChJ;
  • Bek jobs xususiy bandlik agentligi MChJ;
  • Buyuk gallaktika franchayzing kompaniyasi xususiy bandlik agentligi MChJ;
  • Full employment xususiy bandlik agentligi MChJ;
  • Jinzai consulting development xususiy bandlik agentligi MChJ;
  • Xususiy bandlik agentligi yuuki masaru MChJ.
Avvalroq Toshkentda odamlarni qariyb 1,5 mlrd so‘mga chuv tushirgan xususiy bandlik agentligi mansabdorlariga sud hukmi o‘qilgani hamda O‘zbekistonda 2600 dan ortiq kishini chuv tushirgan International Job Organization XBA rahbari ustidan sud boshlangani haqida xabar berilgandi.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi