Futbol bo‘yicha klublar o‘rtasidagi Jahon chempionati yarim finalida “Palmeyras” va “Tigres” jamoalari 7-fevral, yakshanba kuni o‘zaro bahs yuritdi.
Uchrashuvning 54-daqiqasida meksikaliklar hujumchisi Andre-Pyer Jinyak penaltini aniq amalga oshirgan holda jamoasini oldinga olib chiqdi. Bu gol amalda o‘yin taqdirini hal qildi.
Shu tariqa “Tigres” ushbu sensatsion g‘alabadan keyin musobaqa finaliga yo‘l oldi va unda “Al-Ahli” — “Bavariya” uchrashuvi g‘olibi bilan o‘ynaydi. Libertadores Kubogi sohibi esa uchinchi o‘rin uchun kechadigan bahsda ishtirok etadi.
Shuningdek, “Ulsan Hyunday” va “Ad-Duhayl” jamoalari 5-o‘rin masalasini hal qilish uchun o‘zaro kuch sinashdi. Unda mezbonlar 3:1 hisobidagi g‘alabani qo‘lga kiritdi.
“Bavariya” va “Al-Ahli” o‘rtasidagi o‘yin Toshkent vaqti bilan 8-fevral, dushanba kuni 23:00 da boshlanadi.
Klublar o‘rtasidagi JCh—2020
½ final bahsi
7-fevral, yakshanba
“Palmeyras” Braziliya — “Tigres” Meksika 0:1
Gol: 0:1 – 54, penalti Jinyak.“Palmeyras”: Ueverton, Markos Rosha (Mayke, 72), Luan, Vinya, Gomes, Gabriel Menino (Villian, 62), Danilo (Melo, 57), Ze Rafael (Patrik de Paula, 57), Rafael Veyga (Skarpa, 73), Luis Adriano, Roni.
“Tigres”: Gusman, Salsedo, Reyes, Rodriges, Duenyas (Mesa, 86), Rafael Karioka, Pisarro, Akino (Syerra, 90), Kinyones (Fulxensio, 87), Gonsales, Jinyak.
Ogohlantirishlar: Gabriel Menino (32), Akino (45), Luan (52), Gusman (84).
5-o‘rin uchun bahs
“Ulsan Hyunday” Janubiy Koreya — “Ad-Duhayl” Qatar 1:3
Gollar: 0:1 – 21 Edmilson Junior, 1:1 – 62 Yun Bit Garam, 1:2 – 66 Muntari, 1:3 – 82 Almoiz Ali.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)