Футбол бўйича клублар ўртасидаги Жаҳон чемпионати ярим финалида «Палмейрас» ва «Тигрес» жамоалари 7 февраль, якшанба куни ўзаро баҳс юритди.
Учрашувнинг 54-дақиқасида мексикаликлар ҳужумчиси Андре-Пьер Жиняк пенальтини аниқ амалга оширган ҳолда жамоасини олдинга олиб чиқди. Бу гол амалда ўйин тақдирини ҳал қилди.
Шу тариқа «Тигрес» ушбу сенсацион ғалабадан кейин мусобақа финалига йўл олди ва унда «Ал-Аҳли» — «Бавария» учрашуви ғолиби билан ўйнайди. Либертадорес Кубоги соҳиби эса учинчи ўрин учун кечадиган баҳсда иштирок этади.
Шунингдек, «Улсан Ҳюндай» ва «Ад-Дуҳайл» жамоалари 5-ўрин масаласини ҳал қилиш учун ўзаро куч синашди. Унда мезбонлар 3:1 ҳисобидаги ғалабани қўлга киритди.
«Бавария» ва «Ал-Аҳли» ўртасидаги ўйин Тошкент вақти билан 8 февраль, душанба куни 23:00 да бошланади.
Клублар ўртасидаги ЖЧ—2020
½ финал баҳси
7 февраль, якшанба
«Палмейрас» Бразилия — «Тигрес» Мексика 0:1
Гол: 0:1 – 54, пенальти Жиняк.«Палмейрас»: Уэвертон, Маркос Роша (Майке, 72), Луан, Виня, Гомес, Габриэль Менино (Виллиан, 62), Данило (Мело, 57), Зе Рафаэл (Патрик де Паула, 57), Рафаэл Вейга (Скарпа, 73), Луис Адриано, Рони.
«Тигрес»: Гусман, Сальседо, Реес, Родригес, Дуэняс (Меса, 86), Рафаэл Кариока, Писарро, Акино (Серра, 90), Кинёнес (Фулхенсио, 87), Гонсалес, Жиняк.
Огоҳлантиришлар: Габриэль Менино (32), Акино (45), Луан (52), Гусман (84).
5-ўрин учун баҳс
«Улсан Ҳюндай» Жанубий Корея — «Ад-Дуҳайл» Қатар 1:3
Голлар: 0:1 – 21 Эдмилсон Junior, 1:1 – 62 Юн Бит Гарам, 1:2 – 66 Мунтари, 1:3 – 82 Алмоиз Али.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)