Futbol bo‘yicha Angliya chempionatining 23-turida “Tottenhem” 7-fevral, yakshanba kuni “Vest Bromvich”ni qabul qildi.
Uchrashuvning birinchi bo‘limida hisob ochilmadi, ikkinchi bo‘lim debyutida londonliklar raqib darvozasini ikki bor ishg‘ol qildi. 54-daqiqada Harri Keyn jarima maydoniga uzatilgan to‘pni darvozaga joylab qo‘ydi. Oradan ko‘p o‘tmay Son Hyon Min jamoasining qarshi hujumini muvaffaqiyatli yakunladi.
Ushbu g‘alabadan keyin ochkolarini 36 taga yetkazib olgan “shporlar” 7-o‘ringa ko‘tarildi. “Vest Bromvich” (12) esa 19-pog‘onada bormoqda.
APL
23-tur bahsi
7-fevral, yakshanba
“Tottenhem” — “Vest Bromvich” 2:0
Gollar: 1:0 – 54 Keyn, 2:0 – 58 Son Hyon Min.“Tottenhem”: Lyoris, Devis, Sanches, Alderveyreld, Orye (Doerti, 68), Ndombele, Hyoybyerg, Lukas Moura, Lamela (Bergveyn, 74), Son Hyon Min (Skarlett, 90), Keyn.
“Vest Bromvich”: Jonston, Ajayi, Bartli, Taunsend, Meytlend-Naylz, Gallaher, Snodgrass (Mateus Pereyra, 80), Soyers (Yokushlu, 78), Pelter, Dian, Grant (Fillips, 69).
Ogohlantirishlar: Lamela (64), Snodgrass (77).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)