Professional boksning yengil vazn (-61,2 kg) toifasida harakat qilib kelayotgan o‘zbekistonlik Elnur Abduraimov (6-0, 6 KO) navbatdagi jang sanasi va raqibini nomini bilib oldi.
Abduraimov o‘zining navbatdagi jangini 13-fevral kuni AQShning Indio shahrida o‘tkazadi. Elnurga kolumbiyalik 39 yoshli bokschi Deyvi Xulio (21-9, 13 KO) raqiblik qiladi.
Ma’lumot uchun, mazkur boks oqshomida yana bir o‘zbekistonlik bokschi Bektemir Meliqo‘ziyev (6-0, 5 KO) mahalliy bokschi Morgan Fitchga (19-4-1, 8 KO) qarshi jang qiladi.
Abduraimov oxirni jangini 2020-yilning 13-dekabrida o‘tkazgan va unda meksikalik 22 yoshli bokschi Abraham Olivani (4-1, 3 KO) birinchi raunddayoq nokautga uchratgandi.
Kaliforniya shtati, Indio shahridagi Fantasy Springs Resort Casino majmuasida tashkil etiladigan boks oqshomining asosiy jangi ikkinchi yarim yengil vazn toifasi (-58,9 kg) vakillari Jozef Dias (31-1, 15 KO) hamda asli tojikistonlik Shavkat Rahimov (15-0, 12 KO) o‘rtasida kechadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)