Футбол бўйича Испания Ла Лигасининг 22-турида «Реал» 6 февраль, шанба куни «Уэска» майдонида меҳмон бўлди.
Учрашувнинг дастлабки дақиқалари кутилмаганда майдон эгаларининг ҳужумлари остида ўтди, бироқ вақт ўтган сари мадридликлар вазиятни тўлиқ ўз томонига оғдирди ва танаффусга қадар бир қатор қулай имкониятларга эга бўлди. Иккинчи бўлим дебютида Хави Галан ўзининг аниқ зарбаси билан мезбонларни олдинга олиб чиқди.
Орадан кўп ўтмай меҳмонлар бунга Рафаэл Вараннинг голи билан жавоб қайтарди. 84-дақиқада франциялик ҳимоячи дубль қайд этган ҳолда жамоасининг ғалабасини таъминлади.
Ушбу ғалабадан кейин «Реал» очколарини 43 тага етказиб олган ҳолда иккинчи ўринга кўтарилди. Зинедин Зидан шогирдлари иккита захира ўйинига эга «Атлетико»дан 7 очко ортда қолмоқда. «Уэска» (16) эса сўнгги ўринда бормоқда.
Ла Лига
22-тур баҳслари
6 февраль, шанба
«Уэска» — Реал Мадрид» 1:2
Голлар: 1:0 – 48 Галан, 1:1 – 55 Варан, 1:2 – 84 Варан.«Уэска»: Альваро Фернандес, Галан, Сиовас, Пулидо, Маффео, Думбия (Онтиверос, 73), Микель Рико (Хуан Карлос, 86), Сеоане, Сильва (Феррейро, 86), Оказаки (Дани Эскриче, 62), Рафа Мир.
«Реал Мадрид»: Куртуа, Варан, Менди (Марвин, 78), Одриосола (Марсело, 67), Начо, Модрич, Кроос, Асенсио, Каземиро, Винисиус Жуниор (Мариано Диас, 78), Бензема.
Огоҳлантиришлар: Кроос (32), Маффео (45), Сильва (53).
«Леванте» — «Гранада» 2:2
Голлар: 1:0 – 30 Моралес, 1:1 – 43 Кенеди, 2:1 – 67 Моралес, 2:2 – 90 Сольдадо.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)