Арканзаслик қизнинг нотиқлик маҳорати фани бўйича онлайн машғулот давомидаги чиқиши пайтида бошқа ўқувчилар кўзини экрандан уза олмай қолди. Бунга қизнинг орқа тарафида ҳақиқий кураш юзага келгани сабаб бўлган — унинг мушуги тирноқлари илиниб қолган парда билан «жангга киришган», деб ёзади Meduza.
Мушук ҳар қанча ҳаракат қилмасин, илиниб қолган тирноғини чиқариб олишнинг имконини топмаган. Унинг эгаси ўз чиқишига шу қадар берилиб кетганидан ортида нима содир бўлаётганига эътибор ҳам қаратмаган.
Охир-оқибат унинг қўшниси ёрдамга келган: у кадрга тушмасликка ҳаракат қилган ҳолда эгилиб (аммо бу фойда бермаган) диван ортига ўтган ва панжаси илиниб қолган ҳайвонга ёрдам беришга уринган.
«Барчаси яхши тугади: мушук озод қилинган, қиз эса ўз чиқишини бемалол якунлаган, кейинроқ эса ортида нималар содир бўлганидан хабар топган. Ўз чиқиши учун қандай баҳо олгани эса номаълум», — дейилади хабарда.
Аввалроқ Россияда қоп ичидан қутқариб олинган мушук «вазир ўринбосари»га айлангани тўғрисида хабар берилганди.
Изоҳ (0)