Navoiy viloyat axborot va ommaviy kommunikatsiyalar boshqarmasiga yangi rahbar tayinlandi. Mazkur lavozimga viloyat hokimining matbuot kotibi Dilshod Mamarajabov munosib ko‘rildi, deya xabar berdi “Daryo” muxbiri.
Tayinlovga qadar viloyat hokimining matbuot kotibi — axborot siyosati masalalari bo‘yicha maslahatchisi vazifasida ishlab kelgan Dilshod Mamarajabov 1976-yil Samarqand viloyatining Nurobod tumanida tug‘ilgan.
U 1998-yil Buxoro davlat universitetini tamomlagan bo‘lib, 2002—2004-yillarda Buxoro viloyat hokimligi apparati bosh mutaxassisi, 2004—2009-yillarda Buxoro viloyat teleradiokompaniyasi bosh muharriri lavozimida ishlagan.
2001—2002-yillarda Prezident huzuridagi davlat va jamiyat qurilishi akademiyasida tahsil olgan.
Navoiy viloyati hokimligidagi faoliyatini 2009-yildan boshlagan bo‘lib, 2021-yilga qadar hokimlikda turli lavozimlarda faoliyat yuritgan.
Eslatib o‘tamiz, 2020-yil boshidan buyon AOKAning viloyatdagi mas’uli vazifasini boshqarma bosh mutaxassisi Baxtiyor Toshnazarov bajarib kelgan.
Izoh (0)