O‘zbekistonda 2020-yilda 2,9 million dollar sarflanib, xorijdan 131 ta elektromobil import qilingan. Bu haqda Davlat statistika qo‘mitasi xabar berdi.
Shunday qilib, ikki yil ichida ushbu ko‘rsatkich o‘n barobarga oshgan:
- 2018-yilda — 13 ta;
- 2019-yilda — 39 ta;
- 2020-yilda — 131 ta.
Ta’kidlash kerakki, O‘zbekistonda elektromobillar importi uchun imtiyozlar amalda — ular uchun boj va aksiz solig‘i to‘lanmaydi. Faqatgina tegishli yig‘imlar va QQS to‘lanadi.
Avvalroq O‘zbekistondagi bir nechta kompaniyalar 2021—2023 yillarda avtomobillar, pikaplar, yuk mashinalari, mikroavtobuslar va boshqa avtomobillarni ishlab chiqarish va yig‘ishni yo‘lga qo‘ymoqchi ekanligi haqida xabar berilgan edi. Prezident yiliga 50—60 ming dona hamyonbop avtomobillar va elektromobillar ishlab chiqarishni yo‘lga qo‘yib, avtomobil sanoati uchun sarmoya kiritish zarurligini ta’kidlagan edi.
Izoh (0)