YouTube’даги DipYourCar канали блогерлари термосезгир бўёқнинг имкониятлари намойиш этилган видеоролик билан бўлишди. Бўёқ озгина ҳароратга ҳам ўзгаради — ҳатто қўл билан тегинилганда ҳам. Янги намунани намойиш этиш учун Audi А4 моделидан фойдаланилган.
Бу каби бўёқдан АҚШда 1970 йилларда пайдо бўлган «кайфият ғилдираги»ни яратишда фойдаланилган: улар термотроп суюқ кристаллар ҳисобига бармоқлар ҳароратига қараб рангини ўзгартиради. Бу турдаги бошқа пигментлардан фарқли ўлароқ бўёқ жуда сезгир ва тўрт-беш даража атрофидаги диапазонда ўзгаришга учрайди, шунингдек, кўплаб ранглар гаммасига эга.
Audi А4 кузовини тўлиқ қоплаш учун блогерлар саккиз қават бўёқни қоплаб, уларнинг ҳар бири қуришини кутган — сувли асос сабаб бу узоқ вақт талаб этган. Натижада тўқ кул ранг Audi гараждан чиқиши билан рангини ўзгартирган. Кузов яшил, сўнг кўк рангга киради ва турли рангли доғлар пайдо бўлади: ҳаракат вақтида автомобиль мунтазам рангини ўзгартирган.
Канал муаллифлари уларнинг мақсади видео олиш бўлганини маълум қилган: Audi’ни гаражда сақлашмоқчи ёки у қайта бўялади, чунки қоплама тезда яроқсиз ҳолга келиши мумкин. Бу каби автомобилда йўлда фойдаланишдан олдин кузовни қўшимча лак билан қоплаш лозим.
Аввалроқ YouTube’даги DipYourCar канали муаллифи автомобилини худди юлдузлар нур сочиб турган тунги осмон каби бўягани тўғрисида хабар берилганди.
Изоҳ (0)